Akademia Hollywood

Edukimi muzikor dhe artistik në Tiranë

AkademiaHollywood

Filozofia jonë:

Ne mendojmë që edukimi artistik është një hap shumë i rëndësishëm në jetën e gjithësecilit duke hapur porta të kuriozitetit dhe duke kulturuar në mënyrë të shëndetshme. Ne jemi një ekip i dedikuar pedagogësh dhe artistësh të cilët kanë një pasion për mësimdhënie dhe punojnë me fëmijët nga mosha e parashkollorit deri tek të rinjtë pre profesionistë. Akademia Hollywood ofron klasa individuale muzikore, klasa artistike dhe klasa teatrale për të gjitha moshat. Përgjatë vitit Akademia Hollywood organizon shfaqje dhe koncerte të ndryshme, për t’i dhënë një eksperiencë më të plotë nxënësve të përjetojnë eksperiencë më të plotë në botën artistike si dhe një mundësi shumë e bukur për rritjen e tyre të mirë.

Qëllimi ynë është që të kemi gjithmonë cilësinë më të lartë të edukimit artistik, njëkohësisht me ndjesinë e një ambienti të ngrohtë, të qetë dhe shumë artdashës. Edukimi artistik jo vetëm që pasuron jetët e nxënësve dhe mësuesve, por gjithashtu pasuron dhe jetën e komunitetit dhe shoqërisë.

Historia Jonë

Akademia Hollywood ka hapur dyert e saj në Janar të 2009. Nisi si një nismë e Klodeta Buzi, atëhere 27 vjeçare e cila, pas disa vite eksperience në mësimdhënie jashtë Shqipërisë e rikthye në Tiranë për të hapur atë që sot quhet Akademia Hollywood. 

Prej 9 vitesh në Tiranë, Akademia Hollywood është një familje e madhe e cila rritet çdo ditë, dhe ne jemi krenarë për qindra muzikantë të cilët kanë mësuar pranë nesh. 

Muzikë Teatër Pikturë Balet

E rëndësishme është që arti të jetë pjesë e jetës suaj. E sigurtë është që pasi të kenë nisur rrugëtimin tuaj në edukimin artistik, ai do ju ndjekë gjithmonë…

Kë do takoni në Akademinë Hollywood?

Stafi Administriv Vullnetarët Pedagogët Ambasadorët Artistët 

Alma Koruti, Amarda Suli, Arven Pjetri, Besa Breca, Elinor Butka, Enela Mastori, Enrico Sesselego, Eralda Tase, Emiljan Dhimo, Erda Kaçeli, Erjon Medha, Julian Koçaj, Kamela Islamaj, Kejsi Tola, Klodi Hidri, Klodeta Buzi, Kristi Ndrio, Luis Kapllanaj, Sonila Kapidani, Shkëlzen Berisha, Vladimir Tota, etj.

Akademia Hollywood

Disa të dhëna mbi Akademinë Hollywood

1
Familje të regjistruara
1
Shfaqje
Leksione çdo javë
Klasa të ndryshme

Në Akademinë Hollywood, leksionet e muzikës mund të ndiqen individualisht apo semi-individuale (2-3 persona).  Leksionet ofrohen një herë apo 2 herë në javë, me orare të përcaktuara që në momentin e regjistrimit. Leksionet mund të zgjasin prej 30, 45 apo 60 minuta.  Tarifat variojnë sipas minutazhit të një leksioni dhe frekuentimit javor.  Leksionet muzikore mund t’i ndiqni në:   Piano, Violinë, Kitarë, Bateri, Vokal, Flaut, Bass, Cello, etj.

Pyetje të shpeshta

Leksionet muzikore këshillohen të nisen në moshën e parashkollorit, pasi fëmijë të ketë marrë ketë njohur pak nga matematika si dhe të njohë shkonjat.

Megjithatë, për fëmijët të cilët ende janë në kopsht, mund të lini një takim me një nga pedagogët tanë për të vendosur nëse leksionet muzikore janë të përshtatshme për fëmijët tuaj apo jo.

Në moshat e hershme, fëmija mund të fillojë të mësojë piano, bateri, violinë, dhe mbase kitarë dhe violonçel. Pas moshës 8 vjeçare mund të fillojë dhe instrumentat e frymës.

Po! Çdo të mërkurë dhe të Premte fëmija juaj mund të ndjekë kursin muzikor për të vegjëlit nga mosha 4 vjeçare.

Një leksion muzikor mund të zgjasë nga 30, 45 apo 60 minuta.

Ne sugjerojmë leksionet 30 minutëshe kryesisht për fëmijët deri në moshën 10 vjeçare, dhe ato 45 minutëshe për adoloshentët dhe të rriturit. Gjithashtu leksionet 60 minuta janë për ata të cilët luajnë programe të Gjata dhe të cilët kanë nevojë për më shumë kohë me pedagogët.

Është shumë e rëndësishme. Stabiliteti i leksioneve sjell një përmirësim dhe një zhvillim më koherent se sa kur leksionet ndiqen herë pas herë.

Po. Nëse doni të mësoni dhe të luani një instrument muzikor, ju keni nevojë të keni një instrument tuajin. 

JU mund të shihni dhe instrumentat që ne kemi për shitje apo të interesoheni në dyqanet që ndodhet në Tiranë.

Ne gjithashtu ofrojmë dhe orë falas studimi për nxënësit tanë.

Ju do luani diçka që në leksionin e parë! Por, për të arritur në lojën muzikore do ju duhen muaj dhe mbase vite. E rëndësishme është dhe studimi i instrumentit në shtëpi.

Po. Krahas mësimeve nxënësit do të njihen me termat teorike që u duhen për lojën e tyre muzikore.

Prindërit mund të qëndrojnë në klasë me fëmijën, të presin në zyrë a oborr, apo si të dëshirojnë ata. 

Disa fëmijë shpërqendërohen kur prindërit janë në klasë, disa të tjerë janë më të përqendruar, e gjitha varet nga fëmija. Megjithatë ju mund të flisni me pedagogun përkatës për këtë.

Një leksion muzikor mund të zgjasë nga 30, 45 apo 60 minuta.

Ne sugjerojmë leksionet 30 minutëshe kryesisht për fëmijët deri në moshën 10 vjeçare, dhe ato 45 minutëshe për adoloshentët dhe të rriturit. Gjithashtu leksionet 60 minuta janë për ata të cilët luajnë programe të Gjata dhe të cilët kanë nevojë për më shumë kohë me pedagogët.

Sigurisht, çdokush mund të nisë leksionet e muzikës. Nuk ka rëndësi mosha, por më shumë ka rëndësi dëshira dhe përkushtimi. 

Në të vërtetë është e njohur që fëmijët mësojnë shpejt, por ata kanë më shumë nevojë për monitorim dhe për vëzhgim të përhershëm, ndërsa të rriturit kanë eksperienca në të mësuar dhe i kanë idetë më të qarta në atë që duan të arrijnë. Megjithatë vështirësia që haset tek të rriturit, është mosgjetja e një kohe për studim, Apo dhe për të ndjekur kurset rregullisht.

Me këtë në mendje, ne kemi dhe disa paketa të cilat janë kryesisht për të rriturit që nuk mund të ndjekin rregullisht kurset.

Po. Ju mund të flisni pas çdo leksioni me pedagogun apo të shihni me kujdes ato çka kanë marrë në librat dhe fletoret e tyre, dhe do ta ndjeni veten më konfident në ndihmesën e tyre.

Është e rëndësishme që çdo nxënës të marrë instrumentin e tij (përveç pianove dhe baterisë) pasi kështu jo vetëm që ndjehet më rehat në instrumentin e tij, por çdo javë pëson dhe një kontroll dhe akordim nga pedagogu. 

Siç dihet dhe binjakët nuk mësojnë dot kollaj, paçka se kanë të njëjtën moshë, kështu për 2 fëmijë me mosha të ndryshme, do të jetë një zgjidhje më e mirë që ata të kenë mësues dhe orare të ndryshme.

e mendojmë që është më mirë, që secili fëmijë të ketë metodën e tij, të ndryshme për të mos krijuaj konkurrencë dhe mbi të gjitha për t’i bërë kuriozë për librat e njëri tjetrit.

Të gjithë mësuesit kanë metodat e tyre të mësimdhënies, megjithatë për klasat e pianos ne kemi disa metoda të punuara enkas për nxënësit e Akademisë Hollywood si dhe për kitarën kemi përzgjedhur disa nga librat më të mirë që janë në treg.

Me shumë dëshirë! Ne e kuptojmë mundimin që ju keni për të sjellë fëmijët këtu, dhe do bëjmë çka mundemi që fëmijët të kenë të njëjtin orar me pedagogë të ndryshëm.

Të gjithë pedagogët tanë janë të shkolluar në degë artistike dhe muzikore në Shqipëri apo jashtë, dhe kanë eksperiencë në mësimdhënie.

Të gjithë pedagogët janë përzgjedhur në bazë të stilit edukativ që ata përcjellin, referencave si dhe disa eksperiencave si zëvendësues në Akademinë Hollywood, ku kemi marrë dhe pëlqimin e nxënësve dhe prindërve.

Në leksionet muzikore, energjia midis gjithësecilit është shumë e rëndësishme. Shpeshherë nuk mund të ndihemi mirë me një person a me tjetrin, prandaj ne ju sugjerojmë që nëse nuk ndjeheni rehat me një pedagog, të na lajmëroni dhe ne do ju lejmë takim me një apo disa pedagogë të tjerë, gjerisa të ndjeheni mirë me ta.

E mira do të ishte që fëmija Juaj të praktikonte çdo ditë, por të paktën të ketë një minimum të 3 herë në javë. Nëse fëmija juaj nuk praktikon, do të ishte mirë që të konsultoheshit me pedagogun përkatës për të vendosur një sistem për praktikën.

Po, regjistrimet janë të hapura gjatë gjithë vitit.

Po! Ne besojmë se koncertet janë një eksperiencë e mirë për të gjithë ata që luajnë në instrument, dhe gjatë vitit ne organizojmë disa koncerte akustike, mini koncerte, unplugged dhe koncerte rroku.

Sigurisht! Ne Besojmë që muzika luhet më mirë kur luhet në grup.

Për këtë ne ofrojmë disa kurse në grup të cilat vijnë me tarifa të favorizuara për nxënësit aktualë.

Kurset në grup janë: Rock101, Këndo! Piano, Kitarë, Bateri, muzikë dhome si dhe Teori Muzike.

Po, si gjithmonë duke u konsultuar me ju dhe me pedagogun përkatës.

Kurset në grup ose siç ne i quajmë klasat kolektive janë të hapura për muzikantët e Akademisë Hollywood dhe për nxënës të jashtëm.

Për më tepër mund të lexoni mbi çdo kurs në këtë katalog.

Është e pritshme që një fëmijë të kërkoje të mos bëjë leksione, në momentin që ka disa detyra apo i duket diçka e vështirë. Është pjesë e procesit dhe ne do ju këshillonim që të vendosni së bashku disa qëllime afatshkurtra, të cilat do ta motivojnë fëmijën dhe kështu do t’i rikthehet dëshira për të luajtur muzikë.

Të mësuarit muzikë dhe të luajturit muzikë kërkon disa vite, dhe ne ju sugjerojmë që t’i jepni të paktën 6 muaj fëmijës për të provuar instrumentin, dhe mbase dhe të provojë të marrë pjesë dhe në një koncert.

1 ose 2 leksione janë të pamjaftueshme për të kuptuar nëse i pëlqen muzika apo jo.

Megjithatë, fëmija Juaj dhe ju mund të vini dhe të ndiqni një leksione muzike për të parë se çfarë ndodh. Dhe jo vetëm me një pedagoge, por me të gjithë pedagogët që ne kemi në instrumentin që ju dëshironi.

Blerja e një instrumenti është shumë e rëndësishme, dhe për të ndihmuar fëmijën tuaj, ju sugjerojmë të blini një instrument sapo të mundeni.

Në rastin kur fëmija Juaj nuk do të ndjekë më kurset, një isntrument në shtëpi nuk është kurrë një aksesor i panevojshëm, por dhe në rastin më të keq, ju mund ta rishisni atë.

Gjithashtu, nëse fëmija juaj ndjek kurset e pianos, dhe ju jeni skeptikë në blerjen e një instrumenti, do ju sugjeronim të investonit si fillim në një piano dixhitale të lirë (yamaha piaggiero) e më pas të shihni për një investim tjetër. 

Gjatë vitit shkollor, ne porosisim instrumenta të cilat nxënësit tanë kërkojnë, Mos hezitoni të na pyesni për instrumentat që ne kemi për shitje

Po, Ju mund të vini në 10 minutëshin e fundit të leksionit dhe të shihni se si po zhvillohet, por nuk mund të rrini gjatë gjithë orës së leksionit, pasi mund të intimidoni nxënësit e tjerë.

Leksionet Individuale Muzikore

Leksionet Individuale në Akademinë Hollywood kanë një pagesë Mujore për periudhën nga e hëna e parë e Shtatorit deri në javën e katërt të Qershorit. Pagesat kryhen çdo fillim muaji. 

Për Periudhën e verës, (java e fundit e Qershorit – javën e fundit të korrikut) aplikohen tarifa për paketa leksionesh nga 4-10 leksione. 

Akademia Hollywood është e mbyllur javën e fundit të korrikut deri në javën e parë të Shtatorit, dhe 24 Dhjetor deri në të hënën e parë të Janarit të çdo viti. 

Leksionet 1 herë në javë, të cilat kanë një orar të përcaktuar çdo herë kanë tarifa të ndryshme mujore në bazë të minutazhit të një leksioni. 

Për leksionet 30 minutëshe: 3600 Lekë në muaj

Për Leksionet 45 minutëshe: 4800 Lekë në muaj

Për leksionet semi – individuale tarifa është 3200 lekë në muaj.  

Këto tarifa janë për periudhën Shtator-Korrik të çdo viti Akademik. (40 javë)

Leksionet 2 herë në javë, të cilat kanë një orar të përcaktuar çdo herë kanë tarifa të ndryshme mujore në bazë të minutazhit të një leksioni. 

Për leksionet 30 minutëshe: 6700 Lekë në muaj

Për Leksionet 45 minutëshe: 9100 Lekë në muaj

 

Për leksionet semi – individuale tarifa është 6400 lekë në muaj.  

Këto tarifa janë për periudhën Shtator-Korrik të çdo viti Akademik. (40 javë)

Planet për të rritur janë për të gjithë studentët apo të rriturit të cilët kanë dëshirë të luajnë një instrument, por koha e tyre është shumë e limituar dhe ata nuk mund të ndjekin leksionet rregullisht. 

Për këtë Akademia Hollywood ofron paketa të ndryshme për leksione 45 minutëshe. 
Paketa prej 5 leksionesh apo 10 leksionesh.

Muzikë

Këndo! Rock101 MUZ Edukim Muzikor

Arte Figurative

PIkturë Akuarel Fotografi

Teatër & Dramë

Teatër Dramë

Balet

Balet Klasik Kërcim Modern HipHop

Çdo të hënë pasdite dhe të shtunë Paradite grupmosha të ndryshme takohen për klasën e Aktrimit në Sallën Ioensco.  Teatri është një mjet shumë efektiv për fëmijët e të gjitha aftësive dhe moshave. Kurset janë 10 javë dhe përfshijnë dy grupmosha (e para 4-6 vjeç dhe e dyta 7-10) e zhvillohen një herë në javë nga 60 minuta. 

Duke marrë parasysh se loja është mjeti më efikas në mësimin e gjërave të reja nga fëmijët, leksionet synojnë në një proces mjaft aktiv në të cilin ata nëpërmjet lojërave teatrore do të zhvillojnë aftësi të punës në grup, vetëbesimit, komunikimit, do të bëhen më kreativë dhe të zhvillojnë aftësitë e mëdha sociale që do t’u duhen për gjithë jetën. 

Në leksione ata do të eksplorojnë përvoja njerëzore mes dramës, përrallave dhe tregimeve dhe improvizimit. Hap pas hapi ata do të mësojnë të shprehin më së miri vetveten dhe botën rreth tyre, duke u ndjerë në një ambient të sigurt që vetëm Teatri e mundëson. 

Fëmijët nuk ka nevojë të kenë përvoja të mëparshme të artit skenik. Ata duhet të jenë të veshur me rroba që ia lehtësojnë lëvizjen dhe i bëjnë të ndjehen rehat. 

 

Klasat kolektive në Akademinë Hollywood kanë pagesa semestrale çdo 10 javë. 

Tarifa e një semestri të klasës së Teatrit kushton 9500 Lekë ose 7500 Lekë për studentët e regjistuar në një tjetër klasë në Akademinë Hollywood. 

Të mërkurave dhe të premteve në 17:30 ora kolektive e Muz mbledh fëmijë të ciklit parashkollor për orën më argëtuese muzikore. 

Është një orë mësimi në javë për fëmijët e grupmoshave 3-7 vjeç. 
Muzika tek ata vjen natyrshëm. 
atë çka ndodh në Muz është që nëpërmjet lojës fëmijët sensibilizohen për njohuritë që ata kanë. Njihen me zhanre të ndryshme muzikore. Nisin të njohin instrumenta muzikorë dhe gjithashtu mësojnë se si të përdorin zërin e tyre.

Nëpërmjet këngëve, njihen me simbolika të ndryshme edukative. 
Dhe jo vetëm kaq, po njihen dhe me këngë tradicionale të kulturave të tjera. 
Zhvillojnë sensin e ritmit, muzikës, disiplinës dhe anën sociale. 
Dhe të gjitha këto nëpërmjet lojës.

Klasat kolektive në Akademinë Hollywood kanë pagesa semestrale çdo 10 javë. 

Tarifa e një semestri të klasës së MUZ është 7500 Lekë. 

Të enjteve në orën 17:30, të apasionuarit pas pikturës mund të ndjekin klasën e pikturës dhe të zbulojnë më shumë rreth teknikave të ndryshme. 

Në fillimet e tyre nxënësit punojnë me teknika të ndryshme, me qëllim gjetjen e stilit të tyre.  Klasat e artit figurativ përcjellin një frymë artistike dhe edukative për çdo nxënës. Të gjithë nxënësit janë të lutur të sjellin materialet e tyre në këtë klasë, për të punuar sipas kërkesave që ka pedagogia. 

Krahas klasës së pikturës e cila zhvillohet çdo javë, në Akademinë Hollywood ofrohen dhe klasa specifike me një kohëzgjatje disa javore me tematika të ndryshme. 

Klasat kolektive në Akademinë Hollywood kanë pagesa semestrale çdo 10 javë. 

Tarifa e një semestri të klasës së  Pikturë kushton 5000 Lekë.

Të hënave pasdite, një nga orët më argëtuese të Akademisë Hollywood – Këndo! 
Këndimi në grup jo vetëm është një eksperiencë e bukur por është një mënyrë njohjeje shumë e mirë për Harmoninë dhe teknikat e zërit. 

Klasat kolektive në Akademinë Hollywood kanë pagesa semestrale çdo 10 javë. 

Tarifa e një semestri të klasës së Këndo kushton 8500 lekë, ose 5500 Lekë për studentët e regjistruar në një tjetër klasë në Akademinë Hollywood. 

Gjatë gjithë Javës, ora e Rock101 jepet për të gjithë ata muzikantë të cilët duan të eksperimentoj në një grup dhe të luajnë si një band. Rock101 mblidhet një herë në javë, por oraret janë të përcaktuara thuajse çdo ditë. 

Klasat kolektive në Akademinë Hollywood kanë pagesa semestrale çdo 10 javë. 

Tarifa e një semestri të klasës së Teatrit kushton 8500 Lekë ose 5500 Lekë për studentët e regjistuar në një tjetër klasë në Akademinë Hollywood. 

Dy herë në javë, fëmijët e të rinjtë mund të ndjekin kurse të baletit klasik, apo të regjistrohen për kurse të baletit modern. Salla Ionesco ju mirëpret! Klasat e baletit kanë tarifa mujore dhe kushtojnë 3500 Lekë për studentët që ndjekin vetëm këto klasa, dhe 3000 Lekë për studentët që ndjekin dhe klasa të tjera në Akademinë Hollywood.

Të tjera Klasa Kolektive...

Përveç klasave kolektive të postuara më sipër, në Akademinë Hollywood ofrohen dhe klasa kolektive sezonale si: Klasa e Harqeve, Piano sekondare, Akordet e Kitarës, Bateri, Perkusion dhe Teori Muzikore. Këto klasa janë të ofruara vetëm për nxënësit e regjistruar në Akademinë Hollywood. Tarifat e tyre variojnë nga 500-550 Lekë për leksion.

"Miqtë e mi më të afërt tashmë janë nga trupa e aktrimit. Është shumë qejf të takosh moshatarë me të njëjta hobi dhe dëshira si ty."
Klasa e aktrimit
Grupi C

Hapur çdo ditë jave 12:00 - 20:00 dhe të shtunave 10:00-14:00

Akademia Hollywood

  • Rruga Qemal Stafa 206
  • 04 224 7862
  • 069 22 111 58
  • akademiahollywood@gmail.com
Rruga Qemal Stafa

Ku ndodhemi

Aktivitete të Akademisë Hollywood

KONCERTE

BBQ dhe Festa

WORKSHOPS

Aktivitete

Skena është ajo çka i mbledh artistët së bashku, prandaj dhe Akademia Hollywood është shumë e përqëndruar që t’ua bëj të mundur të gjithë studentëve të saj daljen në skenë.

Në fillim të çdo viti akademik postohen datat zyrtare të Aktiviteteve tona. 

Koncertet Akustike – janë të përshtatshme për çdo student si fillestar ashtu dhe i avancuar. Për klasat e kitarës ka 3 data koncertesh për çdo sezon akademik dhe gjithashtu dhe për klasat e pianos dhe Violinës.

ROCKFEST – është koncerti që kemi më për zemër. Organizohet 2 herë në vit. 1 herë në dimër dhe një herë për Festën Ndërkombëtare të Muzikës.  Në Rockfest marrin pjesë ekskluzivisht vetëm studentët e Akademisë Hollywood të cilët ndjekin kursin ROCK101.

Unplugged – është një koncert të cilin kemi 2 vjet që e organizojmë 1 herë në vit. Në këtë koncert muzikantët të cilët kanë krijuar grupet e tyre luajnë këngët e preferuara në versionin unplugged.

Përveç koncerteve, Akademia Hollywood organizon disa herë në Vit takimin me studentët të dielave për BBQ. 

 

Gjithashtu në bashkëpunim me shumë institucione në Tiranë, studentët e Akademisë Hollywood janë pjesëmarrës në shumë Aktivitete të ndryshme në Tiranë.

Stina e Verës në Akademinë Hollywood

Pas javës së tretë të Qershorit, ku mbaron dhe sezoni i koncerteve – Akademia Hollywood nis Kampet e saj verore në Muzikë, Dramë dhe Pikturë. 

2 muaj përpara datës të fillimit, ne postojmë mbi kampet në Blogun tonë, si dhe në Facebook. 

Kampet janë vetëm paradite dhe zgjasin nga 1 deri në 5 javë. 

Punësimi në Akademinë Hollywood

Ne jemi gjithmonë në kërkim të muzikantëve apo artistëve profesionistë që duan t’i bashkohen Akademisë sonë, dhe që patjetër janë të apasionuar në mësimdhënie. Nëse ju jeni një nga ta, mund të na nisni një CV dhe letër motivimi në adresën tonë të emailit info @ akademiahollywood.com

Leksionet Muzikore individuale paguhen në fillim të çdo muaji prej Shtatorit deri në javën e fundit të Qershorit. Për Tarifat e Klasave Semi-Individuale dhe klasat 60 minutëshe, mund të na kontakoni. Nëse një nxënës ndjek kurse muzikore invididuale si dhe klasa kolektive, një ulje deri në 33 përqind aplikohet në klasat Kolektive. 

Për Familjarët ka një ulje prej 10% për familjarin e dytë, dhe 15% për të tretin.

Choose Your Language
  • Shqip
  • English

We Speak Your Language!