kitare

Koncertet përmbyllës të Qershorit

Përshëndetje,

Jemi në 10 ditëshin e parë të Qershorit dhe pak ditë përpara koncerteve tona.

Koncertet do të nisin më datë 10 Qershor në sallën Black Box, ku mund të ndiqni 3 Shfaqje teatrale nga grupet e aktrimit të moshave të ndryshme, si dhe muzikantë klasikë dhe jo klasikë. Ky koncert është titulluar Udhëtim në Hapësirë. 

 

 

 

 

 

 

 

Më datë 15 u ftojmë në sallën e Teatrit të Kukullave ku do të kemi koncertin e parë për shumë fëmijë të cilët sapo e kanë nisur rrugëtimin e tyre në botën e artit si dhe fëmijë të tjerë të cilët kanë pak muaj a vite që luajnë në instrument.  Ky koncert është titulluar Koncerti Veror. 

 

 

 

 

 

 

Më  21 Qershor është dhe koncerti i fundit për sezonin i cili si gjithmonë përkon me Festën Ndërkombëtare të Muzikës, Fête de la Musique. Në këtë koncert janë të gjithë muzikantët e avancuar të cilët luajnë në zhanre të muzikës rrok, pop, etj.

 

 

 

 

 

 

 

Ju kujtojmë që këtu mund të lexoni dhe informacione më të detajuara për përgatitjet përpara koncertit.

Këshilla për prindërit – si të sillemi përpara një koncerti

Dhe nëse doni që fëmija juaj apo ju vetë të jeni më të qetë, mund të shkarkoni këtë dokument dhe të vizatoni se si ndiheni përpara koncertit. si ndihem përpara shfaqjes

 

 

 

Ju urojmë Suksese!!! dhe ju kujtojmë që duke filluar nga java e 12 Qershorit nisin dhe Kampet verore në Akademinë Hollywood.

Për të ditur më shumë për kampet, klikoni mbi foto!

 

 

Fëmijët dhe koncertet

13413083_1081898061882496_4341292657750330442_n

Si edukuese dhe drejtuese në Akademinë Hollywood shpesh herë gjatë vitit has me faktin që fëmijët që ndjekin kurset në Akademinë Hollywood do të dalin në koncert.

Duket parimisht diçka normale që duhet të bësh. Luan një instrument dhe më pas rrjedhimisht del në skenë.

Por sa e thjeshtë është kjo për fëmijën?

Besoj se nuk është aspak një proces i lehtë. 

Është një proces i vështirë që mbart dhe frikën midis.

Nga mësimi individual me një të panjohur (nëse shohim fëmijët që kanë shumë pak kohë që ndjekin kurset e muzikës) në një dhomë, në daljen në një skenë “Gjigande” (sidomos për ta) është goxha udhëtim, gati gati aventurë më vehte.

Kohë pas kohe, tek Akademia Hollywood i kemi zvogëluar sallat e koncerteve dhe gjithashtu dhe minutazhin e tyre, për të patur një koncert më privat ku ekskluzivisht marrin pjesë vetëm prindërit.

Ajo çka ne si edukues i gëzohemi koncertit është se shohim një stimul shumë të madh tek fëmijët, të cilët tregojnë që dinë të studiojnë (më në fund!!) dhe vijnë të përgatitur.

Ajo çka unë si drejtuese i gëzohem koncertit është që shoh buzëqeshjen e fëmijëve kur mbarojnë dhe prindër të lumtur. Dhe nëse bashkëpunoj me prindër/klientë të lumtur atëhere kjo tregon që do të kem bashkëpunime më të mira me to.

13406806_1082463538492615_7179732729354501043_nPor, unë si ish nxënëse e kurseve të muzikës kam kuptuar që nuk është shumë e drejtë e gjitha kjo.

Për fëmijën është një goxha përgjegjësi. Është krejt i vetëm në një sallë me të panjohur. Dhe kur e lexon këtë fjalinë kështu, qofsh 5, 25 apo 55 vjeç sërish të jep emocione.

Ata duan të tregojnë që kanë mësuar dhe mundohen t’i bëjnë prindërit krenarë, por sa u kushton atyre kjo?

Në këtë proces drejt të panjohurës që ecën një fëmijë, ajo që e motivon të studiojë është frika se mos gabon. Ajo buzëqeshja pasi mbarojnë pjesën e fundit është kënaqësia që më në fund “Mbaroi dhe kjo”, dhe më pas vjen entuziazmi i madh.

Në të vërtetë kjo është një ndjesi e bukur. Ndjesi lirimi. Ndjesi e papërsëritshme.

13442272_1082463835159252_294169666217473388_n

Kështu që do ju kërkoja si një ish nxënëse të mos i shtynit fëmijët që në muajt e parë të dilnin në koncerte.

Prisni gjersa ata të jenë gati mund të dalin dhe ta shijojnë skenën.

Prisni kur ata të dëshirojnë.

Kini parasysh që fëmijët janë shumë të ndikueshëm, por do t’u bëni një nder nëse do të ndiqni ritmin e tyre.

Dhe kur ata të jenë në koncert, unë do jem aty duke i duartrokitur.

Jo vetëm për atë çkanë mësuar në instrument, por për kurajon. Kurajon dhe përqëndrimin e veçantë që kanë fituar.

 

 

 

-klodeta

E bukura e të mësuarit

Sa e bukur është ndjesia e të mësuarit dhe sa e mrekullueshme është.

Po përdor fjalën mrekulli, pasi edhe pse është një proçes i përdor nga thuajse të gjithë qëniet humane, sërish ka një magji në rrugëtimin e saj.

Kjo ide më erdhi dje tek po dëgjoja një nga nxënëset e mia e cila po luante një pasazh me oktava nga Mozart.  Continue reading

Koncerti akustik i klasave të kitarës – 6 Qershor 2015

 

 

Më datë 6 Qershor 2015, në orën 19:00 në sallën e koncerteve të Ministrisë së Kulturës (tek ish-Kinostudio) jeni të ftuar në koncertin e fundit akustik/klasik për klasat e kitarës së Elinor Butka, Erjon Medha, Julian Koçaj dhe Vladimir Tota. Continue reading

Mbi Koncertin Akustik të klasave të Kitarës

10991449_10203475950122464_8283160427067974595_nTë shtunën e kaluar, datë 21 Shkurt, në orën 18:00 u mbajt koncerti akustik i klasave të Kitarës të Akademisë Hollywood. Koncerti u zhvillua në qendrën më të re artistike në Tiranë – Tulla Center.

Ky koncert është në serinë e “mini-koncerteve” akustike, i cili nisi si nevojë për të patur një dalje në skenë midis 2 koncerteve të mëdhaja që organizohen në Dhjetor dhe në Qershor të çdo viti Akademik.

Ama, vit pas viti, këto mini-koncerte filluan të kishin gjithnjë e më shumë nxënës dhe këtë herë nuk mund ta organizonim në ambientet e Akademisë Hollywood, pasi pjesëmarrja ishte më e madhe se sa kapaciteti që ka Studio A, ku zakonisht zhvilloheshin mini koncertet.

Në një mbasdite si e kësaj të shtune, mund të dëgjoje fëmijë të cilët e kishin për herë të parë të dalurën në skenë dhe ata që kishin më ekspriencë.

Më pëlqen shumë të them, që ishte një koncert i arrirë për të tërë, pasi edhe më fillestarët e trajtuan koncertin me një seriozitet dhe më së tepërmi me një muzikalitet shumë të bukur.

 

IMG_0257Risi-ja këtë herë ishte dhe Stili i të luajturit me “Slide” nga Rei Kondakçiu, i cili arriti të mbledhë të gjithë studentët e tjerë pranë skenës për të parë këtë teknikë të panjohur për ta.

Besoj se shumë shpejt, shumë nxënës të Akademisë Hollywood do të kërkojnë që të luajnë me “Slide” siç luajti dhe Rei.

 

Falenderoj shumë për kontributin e tyre:

Elinor Butkën, Erjon Medhën, Julian Koçaj dhe Vladimir Tota.

 

Dhe gjithashtu iu uroj nxënësve Suksese në Koncertet e mëtejshme, dhe të mos harrojmë që kemi 3 koncerte ku mund të merrni pjesë.

Unplugged, Akustik apo dhe Rockfest!

IMG_0270

 

Më poshtë mund të gjeni linkun me fotot në Facebook.

1510660_802373103168328_3789013577421748555_nLINKU për të parë fotot! )ose klikoni në të gjitha fotot e do ju çojnë direkt në albumin në FB) 

Ditë të mbarë!

 

Treg për instrumentat muzikorë

Nëse keni instrumenta muzikorë të përdorur dhe doni t’i shisni apo t’i dhuroni.

Nëse keni partitura muzikore që nuk i dëshironi më,

 

Na shkruani në Facebook  ose në akademiahollywood at gmail.com për ofertat tuaja.

Ne do t’i postojmë ato në faqen tonë të facebook, ku ka shumë muzikantë që janë miqtë tanë.  Continue reading

Mësimdhënia!

Mësimdhënia “Shenja më e thellë e dijes së plotë është fuqia e të dhënit të dijes.” – Aristoteli
                                                                                                                                                                                                                                                                                               

Marr shkas nga kjo thënie e Aristotelit për të shkruar e reflektuar mbi kënaqësitë e mësimdhënies.
E ndjeni ende ndjesinë që kishit me nxënësin tuaj të parë? Emocioni juaj ishte kaq I fuqishëm përballë një individi që kërkonte të merrte më të mirën e asaj që ju dinit.

Emocioni teksa të erdhi nxënësi  i pabindur, ai rebeli që nuk bie dakort për asgje; Ai i cili shpesh herë të sfidonte dhe ti dukej se nuk gjeje dot gjuhën e përbashkët me të.

Ti, ditë pas dite, mësim pas mësimi arrite të zbuloje dhe tek studenti i vështirë më të mirën e tij, të zbuloje e madje dhe të gjeje formën e duhur të komunikimit.
Ashtu pak e nga pak ti i dhe trajtë një individi tjetër; Në fillim me marrjet e gojës sikur të ishe duke dhënë provim, pastaj me emocionet e të parit rezultate tek student yt, e në fund teksa shikoje suksesin e tij, ti ndjeje krenari që ndihmove të ishe pjesë e rritjes së këtij individi.  Continue reading