FAQ

Cila është mosha më e përshtatshme që fëmija im të nisë leksionet muzikore?

Leksionet muzikore këshillohen të nisen në moshën e parashkollorit, pasi fëmijë të ketë marrë ketë njohur pak nga matematika si dhe të njohë shkonjat.

Megjithatë, për fëmijët të cilët ende janë në kopsht, mund të lini një takim me një nga pedagogët tanë për të vendosur nëse leksionet muzikore janë të përshtatshme për fëmijët tuaj apo jo.

A është e rëndësishme rregullsia e leksioneve?

Është shumë e rëndësishme. Stabiliteti i leksioneve sjell një përmirësim dhe një zhvillim më koherent se sa kur leksionet ndiqen herë pas herë. 

A më duhet të kem një instrument muzikor?

Po. Nëse doni të mësoni dhe të luani një instrument muzikor, ju keni nevojë të keni një instrument tuajin. 

JU mund të shihni dhe instrumentat që ne kemi për shitje apo të interesoheni në dyqanet që ndodhet në Tiranë. 

Ne gjithashtu ofrojmë dhe orë falas studimi për nxënësit tanë. 

Sa kohë do më duhet për të luajtur diçka?

Ju do luani diçka që në leksionin e parë! Por, për të arritur në lojën muzikore do ju duhen muaj dhe mbase vite. E rëndësishme është dhe studimi i instrumentit në shtëpi. 

A mund të qëndrojë në klasë me fëmijën tim?

Prindërit mund të qëndrojnë në klasë me fëmijën, të presin në zyrë a oborr, apo si të dëshirojnë ata. 

Disa fëmijë shpërqendërohen kur prindërit janë në klasë, disa të tjerë janë më të përqendruar, e gjitha varet nga fëmija. Megjithatë ju mund të flisni me pedagogun përkatës për këtë. 

Fëmijët e mi të dy kanë nisur kurset në të njëjtin instrument, a përdorin të njëjtat metoda?

Ne mendojmë që është më mirë, që secili fëmijë të ketë metodën e tij, të ndryshme për të mos krijuaj konkurrencë dhe mbi të gjitha për t’i bërë kuriozë për librat e njëri tjetrit. 

Çfarë metodash përdorni?

Të gjithë mësuesit kanë metodat e tyre të mësimdhënies, megjithatë për klasat e pianos ne kemi disa metoda të punuara enkas për nxënësit e Akademisë Hollywood si dhe për kitarën kemi përzgjedhur disa nga librat më të mirë që janë në treg. 

Kam 2 fëmijë që duan instrumenta të ndryshme, a mundeni të vendosni të njëjtat orare?

Me shumë dëshirë! Ne e kuptojmë mundimin që ju keni për të sjellë fëmijët këtu, dhe do bëjmë çka mundemi që fëmijët të kenë të njëjtin orar me pedagogë të ndryshëm. 

Dhe mos harroni uljen 10% për fëmijen e dytë!

Si i përzgjidhni pedagogët?

Të gjithë pedagogët tanë janë të shkolluar në degë artistike dhe muzikore në Shqipëri apo jashtë, dhe kanë eksperiencë në mësimdhënie. 

Të gjithë pedagogët janë përzgjedhur në bazë të stilit edukativ që ata përcjellin, referencave si dhe disa eksperiencave si zëvendësues në Akademinë Hollywood, ku kemi marrë dhe pëlqimin e nxënësve dhe prindërve. 

Nëse nuk më pëlqen pedagogu, çfarë të bëj?

Në leksionet muzikore, energjia midis gjithësecilit është shumë e rëndësishme. Shpeshherë nuk mund të ndihemi mirë me një person a me tjetrin, prandaj ne ju sugjerojmë që nëse nuk ndjeheni rehat me një pedagog, të na lajmëroni dhe ne do ju lejmë takim me një apo disa pedagogë të tjerë, gjerisa të ndjeheni mirë me ta. 

Fëmija im, pas pak leksionesh ka filluar të thotë që nuk e do më instrumentin? Çfarë të bëj?

Është e pritshme që një fëmijë të kërkoje të mos bëjë leksione, në momentin që ka disa detyra apo i duket diçka e vështirë. Është pjesë e procesit dhe ne do ju këshillonim që të vendosni së bashku disa qëllime afatshkurtra, të cilat do ta motivojnë fëmijën dhe kështu do t’i rikthehet dëshira për të luajtur muzikë. 

Sa herë duhet të studiojë fëmija im në javë?

E mira do të ishte që fëmija Juaj të praktikonte çdo ditë, por të paktën të ketë një minimum të 3 herë në javë. Nëse fëmija juaj nuk praktikon, do të ishte mirë që të konsultoheshit me pedagogun përkatës për të vendosur një sistem për praktikën. 

A mund ta regjistroj fëmijën në çdo muaj apo vetëm në fillim të vitit?

Po, regjistrimet janë të hapura gjatë gjithë vitit. 

A mund të provojmë 1 ose 2 leksione për të parë nëse fëmija ka të dhëna ose dëshirë?

Të mësuarit muzikë dhe të luajturit muzikë kërkon disa vite, dhe ne ju sugjerojmë që t’i jepni të paktën 6 muaj fëmijës për të provuar instrumentin, dhe mbase dhe të provojë të marrë pjesë dhe në një koncert. 

1 ose 2 leksione janë të pamjaftueshme për të kuptuar nëse i pëlqen muzika apo jo. 

Megjithatë, fëmija Juaj dhe ju mund të vini dhe të ndiqni një leksione muzike për të parë se çfarë ndodh. Dhe jo vetëm me një pedagoge, por me të gjithë pedagogët që ne kemi në instrumentin që ju dëshironi. 

Sa kohë duhet të pres të blej një instrument? Po sikur të pres 1-2 vit që të sigurohem dhe pastaj ta blej?

Blerja e një instrumenti është shumë e rëndësishme, dhe për të ndihmuar fëmijën tuaj, ju sugjerojmë të blini një instrument sapo të mundeni. 

Në rastin kur fëmija Juaj nuk do të ndjekë më kurset, një isntrument në shtëpi nuk është kurrë një aksesor i panevojshëm, por dhe në rastin më të keq, ju mund ta rishisni atë. 

Gjithashtu, nëse fëmija juaj ndjek kurset e pianos, dhe ju jeni skeptikë në blerjen e një instrumenti, do ju sugjeronim të investonit si fillim në një piano dixhitale të lirë (yamaha piaggiero) e më pas të shihni për një investim tjetër. 

Po në kurset në grup mund ti sjellim vetëm 1 herë për të parë si zhvillohet ora dhe pastaj të vendosim?

Po, Ju mund të vini në 10 minutëshin e fundit të leksionit dhe të shihni se si po zhvillohet, por nuk mund të rrini gjatë gjithë orës së leksionit, pasi mund të intimidoni nxënësit e tjerë. 

Ku mund të parkoj?

Në rrugën Qemal Stafa keni parkingje me pagesë.

DO ju luteshim, të mos ndalonit në portën e hekurit të rrugicës sonë!

Kontaktoni
Rruga Qemal Stafa 206, Tiranë
069 22 11158
Email